«Ուրիշ նորությունների» հյուրն է մեցցո-սոպրանո Վարսենիկ Ավանյանը

«Գիշերվա լռության մեջ» խորագիրը կրող ռուսական վոկալ երաժշտության երեկոյին ընդառաջ երգչուհին խոսել է համերգի գաղափարի, ընտրված երգացանկի և Երևանի Ա.Սպենդիարյանի անվան օպերայի և բալետի ազգային ակադեմիական թատրոնի ճեմասրահում երգելու առանձնահատկությունների մասին։ Նշում է՝ իր համար յուրահատուկ է ճեմասրահում հանդիսատեսի հետ մտերմիկ մթնոլորտը։ Վարսենիկ Ավանյանը խոստովանում է, որ հաճախ երգիչներն առավել մեծ ուշադրություն են հատկացնում ձայնային տվյալների ցուցադրությանը, ինչի արդյունքում տուժում է տեքստը։ Մինչդեռ հենց տեքստն է, որ կատարմանը հաղորդում է առանձնահատուկ էներգիա և հուզականություն։ Երգչուհին անդրադարձել է նաև ամուսնու՝ ջազմեն Վահագն Հայրապետյանի հետ հանդես գալու «նախապայմաններին», խոսել առաջիկա ծրագրերի մասին։