Մեր երգերը Կէան կրթամշակութային կենտրոնի հետ - Ճղորու երգ

Բարեկենդանի տոնը (բառացի՝ բարի կենդանություն, ուրախություն) գյուղերում երկու շաբաթ էր սովորաբար տևում։ Այդ տոնը մշտապես ուղեկցվել է առատ հյուրասիրությամբ, երգերով ու պարերով, գունեղ ու հետաքրքիր ծեսերով։ Այս ամենի մասին էինք զրուցում «Մեր երգերը և մենք»-ի հերթական հանդիպմանը, երգում Բարեկենդանի պայծա՜ռ երգեր։ Մեր հյուրն էր Կէան կրթամշակութային կենտրոնը։ Ճղորու երգ Քյուֆը, քյուֆ, դարա, դարա, Ես էլա բերդի բարա․ Իմ ախպեր վեր նա բերդին, Օսկի թուր վեր աջ թևին։ Կերթա խաղա դեմ լուսնակին, Լուսնակ տըփեց մեջ երեսին։ Թու էնա պուճախ, թու էնա պուճախ, Մեր քավորանց մեղրի պուճախ, Թու էնա պուճախ, թու էնա պուճախ, Շեն կենա իմ հոր օջախ։ Քյուֆը, քյուֆ, կերթամ-կուգամ, Իմ ախպոր կնիկ ճարեմ, Հուստ ճարեմ, հուստ չըճարեմ, Վարագա սարեն ճարեմ։ Դուռը տըփեմ մարմար քարով, Մըտնեմ ներս զարդարանքով, Հերը խաբեմ թասմ արաղով, Մերը խաբեմ մատըմ խինով, Ախպեր խաբեմ պոլատ ձիով, Աղջիկ բերեմ հազար բարով։ Թու էնա պուճախ, թու էնա պուճախ, Մեր քավորանց մեղրի պուճախ, Թու էնա պուճախ, թու էնա պուճախ, Շեն կենա իմ հոր օջախ։ «Մեր երգերը և մենք» նախաձեռնության ֆեյսբուքյան էջը՝ Կէան կրթամշակութային կենտրոնի ֆեյսբուքյան էջը՝