Ալիևն ուզում է, որ Հայաստանը հրաժարվի տարածքային պահանջներից

Բաժանորդագրվեք մեզ՝ #Ալիև #5tv Եթե Հայաստանի հետ խաղաղության պայմանագիրը չստորագրվի, դա շատ վատ կլինի ամբողջ տարածաշրջանի համար: Euronews հեռուստաալիքին տված հարցազրույցում այսպիսի հայտարարություն է արել Ադրբեջանի նախագահը: Իլհամ Ալիևի խոսքով՝ կարևոր է, որ Հայաստանը երբեք կասկածի տակ չդնի Ադրբեջանի տարածքային ամբողջականությունը և ամբողջությամբ հրաժարվի տարածքային պահանջներից: Նա նորից Երևանին է մեղադրել խաղաղության հասնելու գործը ձգձգելու համար՝ հիշեցնելով, որ սեպտեմբերի 11-ին իր ուղարկած առաջարկների փաթեթին հայկական կողմը մի քանի օր առաջ է պատասխանել, այսինքն՝ գրեթե երկուսուկես ամիս հետո, ինչը փոքրացրել է մինչև տարեվերջ խաղաղության հասնելու հույսը: Չնայած սրան՝ ղարաբաղյան խնդրի էջը իր համար փակած Ալիևը արդեն լուրջ խոչընդոտներ չի տեսնում Բաքվի և Երևանի միջև խաղաղության համաձայնագրի ստորագրման ճանապարհին ու հաստատում է, որ հայ ու ադրբեջանցի որոշ պաշտոնյաների միջև աշխատանքային շփումներ կան: