«Մենք ավելի շատ ենք «արտահանել» մշակույթ դեպի Եվրոպա, քան հակառակը»․ Սեդրակ Երկանյան

Հոբելյանական համերգին ընդառաջ «Ուրիշ նորությունների» հյուրն է ՀՀ մշակույթի վաստակավոր գործիչ Սեդրակ Երկանյանը։ Համերգը նվիրված է Սեդրակ Երկանյանի ծննդյան 70, ստեղծագործական գործունեության 55 և «Տաղարան» հնագույն երաժշտության համույթի գեղարվեստական ղեկավարն ու դիրիժորը լինելու 30-ամյակներին։ Երաժիշտը անդրադարձել է համույթի ստեղծման պատմությանն ու առանձնահատուկ նվագացանկին, որում գերիշխում է ինչպես հայկական հնագույն՝ նույնիսկ նախաքրիստոնեական, այնպես էլ հնագույն եվրոպական․ «Չեմ կարծում, որ Եվրոպան մեզ լուրջ ալգորիթմեր է ուղարկել, ավելի շուտ հակառակը, հատկապես Կիլիկյան Հայաստանի պայմաններում»։ Ասվածի ապացույց՝ մեր հայկական ուդի տրանսֆորմացիան է ֆրանսիական լա-ուդի, այնտեղից էլ՝ ռուսական լյուտնիայի։ Ինչ վերաբերվում է այս երաժշտության հանրահռչակման խնդրին, ապա գլխավոր նախապայման Երկանյանը համարում է պետական մոտեցումն ու աջակցությունը։