Авань Кедть (текст) - Олёш

Слова: Анна Сульдина Музыка: Арво Сурво Мезть кортамс, авай, теде... Стувтнесынек сеедьстэ Тонь мелявтыця кедеть, Конат вадяшить чевтьстэ. Тонь виде пешксе валот, Минек кис мелявтоманть, Кона седейсэть палы Толбандякс, ды учоманть... Учоманть, конась вели Арсемават салава. Авай, содак, эскэлян Виде, виде киява. Ломанень сельмс мон ванан Ванькс варштавкссо, лембестэ. Шожданть мельга а панян, Канстом кирдян кеместэ. Эрямонь ильведевкстнэ Улить, но мезе теемс. Сыть неть вечкемань пелькстнэ, Сыть неть прок поколь теевкст. Простямак тень кис, авай. Простямак, тиринь верьнэм. Весемесь ютась самай, Но кадсть тень шержэй черьнеть.. Мезть кортамс, авай, теде Ледстнян, ледстнян сеедьстэ Тонь мелявтыця кедеть, Конат вадяшить чевтьстэ.