Ижын но Воткаын пумитъяськон: бугыръяськись 1918-тӥ ар

1918-тӥ арын Ижкар но Вотка рабочийёслэн большевикъёслы пумитъяськонлэн бадӟым центръёсыз луизы. 8-тӥ гудырикошконэ ӵукна мятежникъёс Ижысь заводлэн азбараз митинг радъязы, пыӵал тӥрлыкен складэз киултӥзы, заводэз басьтӥзы но дурбасьтӥсьёссылы пыӵалъёс сётӥзы. Соослэн лыдзы 6 сюрс муртозь вуиз. Кутскиз ожмаськон. Кык фронт кылдӥз: зводысь мастерскойёсты но карлэсь шурсьӧр люкетсэ фронтовикъёс басьтӥзы, нош Нагорной люкетэз (карлэн туала люкетэз, тыметлэн шундыӝужан палыз) большевикъёс кие кылиз. 9-тӥ гудырикошконэ ӵукнаозь пумитъяськисьёс Ижкарез быдэсак басьтӥзы. Бугыръяськон инты ӝог паськытаз…