Цæрæнуатон-коммуналон хæдзард æмæ энергетикæйы къабазы экономикон райрæзты пилотон программæйыл æрдзырдтой хицауады уæнгтæ

Республикæйы цæрæнуатон-коммуналон хæдзард æмæ энергетикæйы къабазы экономикон райрæзты пилотон программæ куыд æххæст кæнынц, ууыл ныхас цыд штабы æмбырды. Амыдта йæ регионы разамонæг Сергей Меняйло. Мадзæлттыл æрдзырдта Уæрæсейы экономикон райрæзты министры хæдивæг Сергей Назаров, профилон министрадтæ æмæ дзуапдæттæг организациты разамонджытимæ. Къабазы куыстуæтты исбон, гæнæн ис, æмæ иу операторы бæрны бакæной. Ныхас ма цыд коммуналон лæггæдты фиддонтæ æмæ æфстæуттæ фидыныл. Фембæлды темæты ’хсæн ма уыд иумæйаг операторы лæггæдты льготон тарифты æххæстгæнынад.