«Әнші санитар». Коронавируспен күресіп жүрген әртістің әңгімесі

23 жастағы әнші Бақытбек Әмірханның өмірін коронавирус түбегейлі өзгертті: бірнеше айдан бері қолына микрофон емес, шүберек пен швабра ұстап жүр. Қазіргі тыңдармандары — коронавирус жұқтырған науқастар. Мейрамханаларда ән айтып, ақша тауып келген Бақытбек карантин басталғанда табыссыз қалған. Әуелі екі ай ерікті болып, артынша Алматыдағы модульдік инфекциялық ауруханаға санитар болып жұмысқа тұрады. Өнерпаз бес айда не үйренгенін, аурухана ішіндегі ахуал мен арманы туралы әңгімелейді.