ТЫВА ҮНДЕЗИН КУЛЬТУРАНЫӉ КАМГАЛАКЧЫЛАРЫ. ТАҢМАЛАРНЫҢ ХЕВИРЛЕРИ

Таңмаларның хевирлери: - «Кас» азы «хас» деп аттыг таңмалар. Бо бөлүкче элээн каш хас демдектиң хевирлери кирип турар: «чадагай кас», «ажык кас», «оттуг кас», «хүрээлиг кас», «шындалыг кас». 1937 чылда демдектиң ажыглаарын хооруп каапкан; - «Дыргак» азы «маажыыр»: «ожук», «чыдар маажыыр», «өзек чок маажыыр», «кудуруктуг өзек чок маажыыр»; - «Арбак» азы «курбулчун» (моол дылда: гурвалжин – үш-булуңчук). Тывалар ук таңманың чүгле каш хевирин ажыглап чораан: «анаа арбак», «оттуг арбак», «калдыг курбулчун», «оттуг дорт арбак»; - «Шындамал» - чиндимин дээр тоолчургу күзелдерни боттандырып турар эртинелиг даштың ады болур. Хевирлери: «Оттуг шындамал», «үш адыр шындамал», «айлыг шындамал», «ширээлиг шындамал».