Яланах çĕнни патне туртăнаççĕ

Стоматологи хальхи вăхăтра хăвăрт аталанакан медицина тытăмĕ теççĕ тухтăрсем. Уйрăмах цифра енне пусăм тума тăрăшаççĕ Шупашкарти профессиллĕ стоматологин «Дент-а-мед» клиникăра ĕçлекенсем. Уйăхсерен вĕсем хăйсем патне Раççейри чи вăйлă, аслă пĕлӳллĕ, çĕнĕ йышши технологисемпе ăнăçлă ĕçлекен тухтăрсене семинарсем ирттерме чĕнеççĕ.«Пĕр вырăнта тăма юрамасть, яланах аталанмалла», - теççĕ професси стоматологийĕн «Дент-а-мед» клиникăра вăй хуракан тухтăрсем. Хальхинче вĕсем Калиниградра ĕçлекен, Раççейĕпе паллă çамрăк тухтăра Яна Фейдмана чĕннĕ.