Татьяна Жирковаҕа аналлаах «Чөмпүйүөн суолунан» быыстапка турда

Татьяна Жирковаҕа аналлаах «Чөмпүйүөн суолунан» быыстапка турда ️ Бүгүн, атырдьах ыйын 11 күнүгэр, Р.Г.Васильев аатынан улуустааҕы кыраайы үөрэтэр түмэлгэ сүүрүүгэ Аан дойду, Европа чөмпүйүөнэ, Арассыыйа успуордун үтүөлээх маастара, СӨ физическэй култуураҕа уонна успуорка үтүөлээх үлэһитэ, СӨ доруобуйа харыстабылын туйгуна, Нөөрүктээйи, Доллу нэһилиэктэрин уонна Мэҥэ Хаҥалас улууһун Бочуоттаах олохтооҕо, СӨ чэпчэки атлетикаҕа федерациятын вице бэрэсидьиэнэ Татьяна Жирковаҕа аналлаах «Чөмпүйүөн суолунан» быыстапка арыллынна. ‍ ️Үөрүүлээх тэрээһин арыллар күнүгэр киэн туттар биир дойдулаахпыт, элбэх күүстээх сүүрүктэри иитэн таһаарбыт Татьяна Жиркова быыстапка туһунан санаатын үллэһиннэ, улахан үлэттэн кэлбит кыайыылары кэпсиир экспонаттар устуоруйаларын сырдатта. – Мэҥэ Хаҥаласка төрөөммүн улахан өйөбүллээхпин, дойдулаахпын диэн астынан, долгуйан, улаханнык махтанан турабын. Ханна да сырыттарбын, оскуолаттан саҕалаан, мэлдьи Мэҥэ Хаҥалаһым чиэһин көмүскээн кэллим. Быйыл Майаҕа ыыты... Источник: ГАЗЕТА “ЭРКЭЭЙИ“ Мегино-Кангаласского улуса