Պուտինն այս պահին չի ուզում շփվել Փաշինյանի հետ

Բաժանորդագրվեք մեզ՝ #Պուտին_Փաշինյան #5tv «Ռուսաստանի նախագահի և Հայաստանի վարչապետի շփման պլաններ չկան, բայց եթե Հայաստանի վարչապետը գա Սանկտ Պետերբուրգ ԱՊՀ հանդիպմանը, խոսելու հնարավորություն կլինի»:- Այսօր հայտարարել է Ռուսաստանի նախագահի մամուլի խոսնակ Դմիտրի Պեսկովը։ Մամուլում տեղեկություն էր տարածվել՝ Նիկոլ Փաշինյանը պատրաստվում է հեռախոսազրույց ունենալ Վլադիմիր Պուտինի հետ: Լրագրողները հետաքրքրվել են՝ արդյոք Պուտինի գրաֆիկում նման բան կա՞։ Պեսկովը պատասխանել է՝ «Այս պահին՝ ոչ»: Արդյոք Փաշինյանի այցի ազդակներ կա՞ն, լրագրողի հարցին Ռուսաստանի արտգործնախարարության պաշտոնական ներկայացուցիչն այսօր ասել է, թե հույս հայտնել չի ուզում, Մոսկվան կոնկրետ գործողությունների է սպասում: Ինչպես գիտեք, դեկտեմբերի վերջին Սանկտ Պետերբուրգում տեղի կունենա Եվրասիական տնտեսական բարձրագույն խորհրդի նիստը և ԱՊՀ ոչ պաշտոնական գագաթնաժողովը: