Телекомпани «Осетия Ирыстон»-ы æвдисдзысты мультипликацион киноныв «Маша и Медведь» ирон æвзагыл

Телекомпани «Осетия-Ирыстон»-ы райдайдзысты æвдисын мультипликацион киноныв «Маша и Медведь» ирон æвзагыл. Сывæллæттæ сæ уарзондæр мультипликацион архайджыты фендзысты иннæ къуыри. Цæмæй киноныв телеканалы эфиры æвдисой, уый тыххæй сæрмагонд бадзырд бафыстой нæ телекомпанийы разамонæджы хæстæ æххæстгæнæг Гуыдиаты Тимур æмæ Цæгат Ирыстоны национ спорты хуызтæ æмæ культурæйы федерацийы минæвар Цгъойты Тамерлан. Цæмæй мультипликацион кинонывы хъайтартæ та иронау сдзурой, уый тыххæй куыстой 2 азы. Ратæлмац кодтой 26 серийы. Машæйы роль дзы ахъазыд Гуыриаты Данæ. Ацыд конкурсы æвзарæн къæпхæн. Цгъойты Тамерланы ныхæстæм гæсгæ, куыст дарддæр цæудзæн. Ныридæгæн ирон æвзагмæ ратæлмац кодтой мультипликацион киноныв «Фиксики»-йы æмæ «Смешарики»-йы 5 серийы. Проекты сæйраг хъуыды у - ирон æвзаг бахъахъхъæнын æмæ йæ райрæзтыл бацархайын. _ Мы рядом в: