Науқастың асқазанынан бір жарым келі темір шықты

Естімеген елде көп. Орал қаласында ақыл-есі кеміс азаматтың асқазанынан бір жарым келі темір-терсек табылды. Ол бірнеше жылдан бері осылай ерекше тағам жеп, тәбетін басып келіпті. Хирургтар әлгі азаматқа ота жасау барысында жағаларын ұстаған. Себебі, мұндай жағдай бұрын-соңды болмапты. 33 жастағы соқталдай жігіт темір-терсекті талғамай жұта берген. Арасында үйдің кілті, шегелер мен арматураның бөлшектері, қасықтар мен болттар және пышақ табылған.