Советтик аскерлерге дем берип, немецтерге сес көрсөткөн парад

1941-жылы 7-ноябрда Кызыл аянтта Октябрь революциясынын урматына парад болгон. Бул учурда Борбор калаадан 50 чакырым аралыкта немецтер Москваны басып алуу боюнча операция даярдап жатышкан. Парадга жашыруун даярдык көрүлүп, жүрүш саат дө башталган. Ага генерал-лейтенант Павел Артемьев командачылык кылса, СССРдин Коргоонуу боюнча элдик комиссарынын биринчи орун басары Семен Буденный кабыл алган. “Ата-бабалардын: Невскийдин, Донскойдун, Мининдин, Пожарскийдин, Суворовдун жана Кутузовдун эрдиги сиздерди шыктандырсын!” — деп Сталин мавзолейдин трибунасынан Кызыл Армияга дем берген. Пехотанын артынан кавалериянын эскадрондору, пулемет тачанкалары, эки танк батальону өткөн. 28,5 миң аскер адамы катышкан парад 25 мүнөткө созулуп, советтик жокерлер ошол жерден эле фронтко жөнөгөн. Бир айдан кийин немецтер алгачкы жолу жеңилген. “Бул парад — согуш учурунда боло турган эрдиктин жана ишенимдин мыкты көрүнүшү”, — деп жазган британиялык Daily Mail басылмасы.