Узаир Найманов ТУР, НОГАЙЫМ!

Узаир Найманов ТУР, НОГАЙЫМ! Тур, ногайым, уйкыдан, Уян, келди бизим заман! Байыдым, деп туьслеринде, Ятыр азы, коьплери де. Кайда эрлер ок аткан, Явды бувып, токтаткан, Кайда баьтир уллары, Ногай шоьлди мактаткан? Турынъыз, мен тилеймен, Соьз юректен шыгады, Уянмасак, ногайым, Халк шоьлимди йояды! Тек оьз басын ойлаган Кулдай болып калады, Ким болса, сол пайлаган Еримизди алады! Уьш юз йылга созылды Каты бизим уйкымыз, Болмагандай азайды Ата - баба еримиз! Келди заман турмага, Юмырыктай топланып, Йолга керек шыкпага Баьримизге атланып! Уян, халкым, оьрленип, Етсин данъкынъ Элимге, ,,Элде, тилде, динде - бирлик“ - Оьсиет эткен Эдиге!