Mirfayaz Likməkani Azərbaycani - Azim (ğəzəl)

Bətı bı çandə soron band azim, ey huri, azim Tıku əstən otəşi, ruşini, həm nuri azim, Zınedəm, qırdo əqardonı veye, cayli nim az, Çımı dılvandim ımey ki, nezə Merkuri azim. Həni şey Ğeysi dı məjnunəti cər kardə bə mif Isə ənvışt isə eşğ oləmi dəsturi, azim. Jo ğıyomət jiyedən daştədə eşği divinon, Əvon İsrofili zındən, bıjən ə suri azim. Qemıjim, voşim, ovəyzim, ta kenə vaşte həşi, Dılərəm kardə avəysum, bıkə qurquri azim. Çənədə az bıbumən dimədə şo, xoşə diyən, Bıkəş ım milləti dardi hejo dıl puri, azim. Tolışim, Mirfəyazim dınyo jə ıştən bə kori, Qətəje to Sipiyə ruyku - de bə Kuri azim. Mirfayaz Likməkani #qəzəl #ədəbiyyat #əruz #mirfayazlikmekani #şeir