Samandar Qo’qonov: Prezident Mirziyoyevga gapim bor

1992-2016 yillar orasida qamoqda o’tirgan Samandar Qo’qonov Shavkat Mirziyoyev prezidentligini tarixiy o’zgarish sifatida ko’radi. O’zbekistonning bugungi rahbaridan u adolat kutmoqda. “Karimov hali ham rahbarlikda o’tirganida men hayotda qamoqdan chiqmas edim“, - deya fikrlaydi Qo’qonov. Sobiq siyosiy mahbus bilan “Amerika Ovozi“ uning Toshkentdagi ko’rkam hovlisida muloqot qildi. Qo’qonov sakkiz farzandning otasi, bir necha nabiralarning bobosi. Kuniga ikki soat yoga bilan shug’ullanishini aytar ekan, suhbatdosh “menda 30 yoshli yigitning kuchi bor“, - deya qo’shib qo’yadi. Haqiqatdan ham Qo’qonovga qarab jismonan va ruhan tetik insonni ko’rasiz. Yuzidan tabassum arimaydi. 74 yoshida, ayniqsa agar chorak asrni panjara ortida o’tkazganini hisobga olsak, bukilib qolgan oqsoqol bo’lishi mumkin edi. Lekin qarshingizda bo’ydor, tik gavdali, did bilan kiyingan, zamon bilan hamnafas bir insonni ko