гр. ИЙНАР - Орайда

МИНГИ ТАУ Сен, кёкге джете, мийиксе Кавказ тауланы ичинде. Мияла кибик, джылтырай, Къанга бузларынг юсюнгде. Сен джулдузлагьа джанаша, Къалгьанла сенден алаша. Кийиминг ариу джараша Къалай сейирсе, тамаша! Чынг алгъа санга танг ата Чынг арта сенде кюн бата Сен кийиз бёркню агъарта Этегинг джашил къатапа Сенден сора къайсы тауду Ариулугъу бла айтылгъан? Башына байракъ тагъылгъан Белине кюрен тартылгъан? Сенден сора къайсы тауду Ариулукъ бла бай болгьан? Башы къыш болуб, бели джаз болуб, Этеклеринде джай болгьан? Юсюнгде барды акъ тонунг, Сен къыш да, джай да киесе. Кюн бузулургъа тебресе, Боран этерге сюесе. Кюн ариу, чууакъ турсада, Тохтамайды боранынг, Къыш да джай да эримейди Юсюнгдеги бузларынг. Къыш айланы къылычыса, Джай айланы салкъыны. Джумушакълыкъ этмесенг, Инджитириксе халкъынгы. Кесин бегитмей чыкъгъаннга, Башхасы болмай, бир тауса. Сау дунияны башында Бек белгили бир тауса. Тёгерегингде тогъай отлайла Алтын мюйюзлю кийикле. Сени башынга чыгъадыла Бёгекле бла джигитле.