Озакламый бу плакатлар республика балалар бакчаларына һәм мәктәпләргә килеп ирешәчәк

Бездә эш кайный: плакатларны төяп бетергәч, юлга кузгалабыз. Озакламый бу плакатлар республика балалар бакчаларына һәм мәктәпләргә килеп ирешәчәк. Аларның максаты — балаларга мәшһүр әдипләребез хакында мәгълүмат җиткерү, туган телдә укуны пропагандалау, татар телен популярлаштыру. Әлеге проект ТР Президенты каршындагы татар телен саклау һәм үстерү мәсьәләләре комиссиясе инициативасы һәм ТР Президенты Р.Н.Миңнеханов ярдәмендә башкарыла.