Ытык сиргэ

Ытык сиргэ Саха сирэ сайдарын туһугар бастакы хардыыны оҥорбут 1852 сылтан 22 сыл устата Илин Хаҥалас улууһун салайбыт Филипп Иванович Лепчиковка уонна кини сыдьааннарыгар анаммыт памятнигы – мемориалы Хаптаҕайтан алтынньы 8 күнүгэр 2021 с. баран билсэн кэллибит. Миэстэтэ Хаҥалас – Ороссолуода быысаһа “Куталаах” диэн сир. Барытын сиһилии кэпсээн, көрдөрөн билиһиннэрдэ Лепчиков Ф.И. хос хос хос сиэнэ Иванов Петр Васильевич кэргэнэ Иванова Индира Гаврильевналыын. Сүҥкэн улахан бэлиэни Лепчиковтар хаан - уруу аймахтара ылсан үбүлээн оҥотторон дьон сэргэ билиитигэр туруорбуттарыгар олуһун махтанабыт. Салгыы Илин Хаҥалас улууһун баһылыга буола сылдьыбыт Иван Герасимович Соловьев көмүллүбүт тааһыгар сылдьан сүгүрүйэн кэллибит. Ытык өбүгэ дьоммут Филипп Иванович Лепчиков уонна кини уолаттара Прокопий Филиппович, Иван Филиппович, Афанасий Филиппович Лепчиковтар, Соловьев Иван Герасимович сырдык ааттара бүтүн саха дьонугар махталынан ааттаныа, бар дьоммут үйэлэргэ билиэҕэ, киэн туттуоҕа. Дириҥ суолталаах бу сир с