Քյանդրբազություն է Քյարամյանի նշանակումը․ Մարուքյան

Մենք ժամանակին առաջարկում էինք օրենքը փոխել, վարչապետին տալ հնարավորություն, որ առանց այդ տեսակ քյանդրբազության, հստակ ընթացակարգով ԱԱԾ-ում ուղիղ նշանակումներ անի: Այս մասին, այսօր՝ մայիսի 6-ին, ԱԺ-ում լրագրողների հետ զրույցում նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Արգիշտի Քյարամյանին ԱԱԾ տնօրենի տեղակալ նշանակելուն: «Պետք է առանց քյանդրբազության ուղիղ ձևով, ազնիվ նշանակումներ անի և ասի, որ դա քաղաքական է, այս մարդուն եմ վստահում, այս մարդուն եմ նշանակում: Նույն բանը արել է Սերժ Սարգսյանը Կուտոյանի ժամանակ: Որ ասում էինք, իրենք ասում էին՝ բա գնդապետները չպե՞տք է նշանակվեն, տեսա՞ք մարդը ոնց է մեկ օրում դառնում գնդապետ»,- ընդգծեց նա: