Сәйәси золом ҡорбандарын иҫкә алыу көнө билдәләнде

Йыл һайын 30 октябрҙә илебеҙ халҡы Сәйәси золом ҡорбандарын иҫкә алыу көнөн билдәләй. Илебеҙ тарихындағы йән өҙөрҙәй тарихи хәл-ваҡиғаларҙың яраһы һаман да ҡанһырай. 1937 йылда Башҡортостандан ғына 50 меңдән ашыу кеше ҡулға алына, шуларҙан 32 меңдән ашыуы - кулак тип репрессиялана. Бынан тыш, халыҡ дошмандары тип нахаҡ хөкөм ителеүселәр бихисап. Репрессияға эләккән Баймаҡ районы кешеләре Иркутск өлкәһенең Черемхово ауылында күпләп йәшәгән.