ՀՀ տնտեսության անկումն ավելի փոքր կլինի, քան հարևան երկրներում․ Կարապետյան

Հայաստանում հայտարարված արտակարգ դրության պայմաններում Կառավարությունը շարունակում է քայլեր ձեռնարկել կորոնավիրուսի հետևանքների չեզոքացման ուղղությամբ։ Գործադիրը մշակել է հակաճգնաժամային 15 միջոցառումներ կորոնավիրուսի տնտեսական ու սոցիալական հետևանքների մեղման համար։ Կորոնավիրուսի տարածումը կանխելու նպատակով հայտարարված արտակարգ դրության շրջանակներում մայիսի 4-ից՝ շուրջ մեկ ու կես ամսվա դադարից հետո, հանվել են սպասարկման ոլորտի որոշ ընկերությունների սահմանափակումները։ Սահմանափակումները չեղարկելու նպատակահարմարության, ստեղծված իրավիճակում տնտեսական շոկերին դիմակայելու տեսանկյունից Կառավարության հակաճգնաժամային միջոցառումների արդյունավետության, հարկային արձակուրդի գաղափարի մասին Armenia Today-ի թղթակիցը զրուցել է ԱԺ «Իմ Քայլը» խմբակցության պատգամավոր Վարազդատ Կարապետյանի հետ։