Guillaume IX - Pos de chantar m’es pres talens

Canso de Guillaume IX (1071 - 1126) Brice Duisit Pos de chantar m’es pres talens farai un vers don sui dolens mas non sarai obediens en Peitau ni en Limouzi. Qu’era m’en irai en eisil en gran paour en gran peril en guerra laissarai mon fil et faran li mal siei vezi. Lon departirs m’es aitan greus dels seighoratge de Peitieus en garda lais Folcon d’Angieus tuta la terra e son cosi. Si Folcons d’Angieus no’l secor el rei de cui ieu tenc m’onor faran li mal tot li plusor felon gascon et angevin. Si ben non es savis ni pros can ieu serai partitz de vos vias l’auran tornat en jos can lo veiran jov’e mesqui. Merce quier a mon companhon s’anc li fi tort qu’il mo perdon et ieu prec en Jesu del tron et en romance et en lati. De proesa e de joi fui mais ara partem ambedui et ieu irai m’en a celui on tot peccador troban fi. Mout ai estat cuendes e gais mas nostre Senhor no’l vos mais ar non puesc plus soffrir lo fais tant soi aprochatz de la fin. Tot ai guerpit cant amar sueilh cavalaria et orgueilh e pos Dieu platz tot o acueilh e prec li que’m retreng’am si. Totz los amics prec a la mort que vengam tut e’m orem fort qu’eu ai avut joi e deport lonh e pres et a mon aizi. Aissi guerpisc joi e deport e vair e gris e sembeli.