Зөөкүрлөр – эң алсыз адамдар экенин билдим

Зомбулук кылган кишилердин баарынын жүзү окшош болот. Орусча айтканда абьюзер дейбизби, зөөкүр дейбизби алардын жүрүм-туруму, айткан сөздөрү ар бир учурда бирдей болот экен да. Мен кылбадым, ал өзү күнөөлүү деген сөздөрү, же болбосо көп учурда мисалы кызганууга байланышкан фактылар болсо андай көрүнүш болбосо деле ошондой болду деп алсыздыгын көрсөтүшөт. Зомбулук кылган кишилер эң алсыз кишилер болушат экен деп калдым. Алардын сот отурумдарында “аял өзү күнөөлүү” деп күнөөнү башка бирөөгө оодарганы баары окшош. Мен канчалаган аялдарга жактоочу болуп келдим, бирок бир да жолу зомбулук кылган кишинин кылмышын мойнуна алганын көргөн жокмун. Ал үчүн күч керек да, ошол үчүн мен аларды эң алсыз кишилер деп эсептейм.