Дьоруойдар искибиэрэ

Бүгүн, алтынньы ый 17 күнүгэр кэлэр кэнчээри кэскиллэрбитигэр анаан “Куула” түөлбэ сэрии, тыыл бэтэрээннэрин ааттарын үйэтитэр сыалтан Аҕа дойду сэриитигэр дойдуларын көмүскээбит сэрии, тыыл кыттыылаахтарыгар аналлаах “Дьоруой искибиэрин” үөрүүлээх аһыллыыта буолла. Бу бырайыагы көҕүлээччинэн “Куула” түөлбэ салайааччыта Агафья Савватеева Саха Өрөспүүбликэтин Ил Дархан “Дьоруойдар искибиэрдэрэ” граана кыайбыта. Түөлбэтин олохтоохторун түмэн, биир сомоҕо буолан “Дьоруой искибиэрин” кылгас кэм иһигэр тутан, арыйдылар. Сайын манна араас сибэккинэн киэркэйэн, оҕо саҥатынан туолан үтүөнү, үөрүүнү үксэтиэ.