Несие алаяқтығы

Семейде алаяқ тұрғындарды алдап, 8 млн теңгеге несие алдырған. Бұл туралы ҚазАқпарат Шығыс Қазақстан облыстық ішкі істер департаментінің баспасөз қызметіне сілтеме жасап хабарлайды. Баспасөз мәліметтеріне қарағанда, адамдардың бейқамдылығы мен қаржылық сауатсыздығы көп жағдайда орны толмас өкінішпен аяқталып жатады. Өйткені халықтың сеніміне кіріп алған алаяқтар оларды ақшасын алып кеткенімен қоймай, қиын қаржылық жағдайға душар етеді. Жыл басынан бері осындай әрекеттердің 73 фактісі анықталған. Алаяқтар жымысқы әрекеттерін жүзеге асыру үшін халықты алдаудың сан түрлі айла-тәсілдерін қолданады. Осындай әрекеттердің бірінде алаяқтар тұрғындардың сеніміне керіп, банктен қарызға қаржы алуға үгіттіген. Бұл ретте олар несиені өздері айма-ай уақытынан кешіктірмей төлеп тұратындықтарын, ал несие алған адамға қаржының жартысын қалдырып есесіне несие тарихын да дұрыстап алатындығына сендірген. Алайда банктен қаржыны алысымен аляқтар ізін суытып отырған. Ал несие алған тұрғындар банкке мол көлемде қаржы қарыз болып қал