Қарағандыда автобус екі адамды қағып кетті

Қоғамдық көлік жылдамдығын төмендетіп үлгермей, жаяу жүргінші жолағынан өтіп бара жатқандарды соққан. Соның салдарынан, дене жарақатын алған бір азамат облыстық медициналық орталыққа жеткізілді. Қазір жағдайы қалыпты. Аяғын көлік жаншып өткен тағы бір азамат Мақажанов атындағы аурухананың шұғыл операция бөліміне түскен. Дәрігерлер оның аяғын ампутациялауға мәжбүр болды. Ал, «НЕФАЗ» автобусын тізгіндеген 50 жастағы жүргізушісінің үстінен қылмыстық іс қозғалды. Сотқа дейінгі тергеу амалдары басталды.