“Российын салтак“

Поро Ош Кугу Юмо, Эр Юмо, Эр Суксо, Эрге Пÿрышö, Мер Юмо! Максим эргымым коштмаш корныштыжо пиал дене коштыкто. Кава Юмо, Ош Кече Ава! Чонжым порылык дене ырыктен шого. Тÿнямбал Кугу Юмо, Тÿнямбал Кугу Серлагыш! Сай тазалыкым пуэн шого, осал тушман деч, чыла осал деч арале. Шочынава! Серлагышым, тазалыкым пуэн шого. Арален ашне. Кугыжан Кугу Юмо! Сай служитлен толаш полшо. Поро илышым, чын йолташ-влакым пу, командир-влакынат кумылыштым эргым ваке савырен шого - эн сай ача гай лийышт. Кугу Серлагыш, сай серлаген коштыкто! Таза кап-кылан, волгыдо уш-акылан пöртыл толжо. Элым вияҥдаш, сурт-печым кучаш, ÿдыр налаш, еш дене илаш, пиалан илышым чоҥаш пöртыл толжо. Пÿрышö Юмо, пÿрен ашне. #эргымсалтак #сынсолдат