Չգրանցված ամուսնությունից ծնված երեխաների տեսակարար կշռով մոտենում ենք ԵՄ ցուցանիշներին

Պատմաբան, ժողովրդագրագետ Միքայել Մալխասյանը Sputnik Արմենիայի հետ զրույցում խոսել է հայկական ընտանիքների առջև ծառացած դեմոգրաֆիական, սոցիալական և արժեհամակարգային մարտահրավերների մասին։ «Պետության կողմից ընտանիքներին աջակցող սոցիալական ծրագրերը հստակ գնահատված չեն, որովհետև մեզանում ժողովրդագրական ցուցանիշների փոփոխությունը մեծ մասամբ պայմանավորված չէ այս կամ այն պետական միջոցառման իրականացմամբ»,– ասել է Մալխասյանը։ Արժեհամակարգային տեսանկյունից, ժողոդրդագրագետի համոզմամբ, մեզ հարիր արժեքային պատկերացումների պաշտպանության որոշակի քարոզչություն եթե չլինի, ապա Արևմուտքից եկող բացասական հովերը կարող են խարխլել հայկական ընտանիքների հիմքերը։ Նա կարծում է, որ պետությունը պետք է ձգտի պահպանել ավանդական ընտանիքի կորիզը և ապահովել արժեքային հստակ համակարգով ձևավորված առողջ ընտանեկան միջավայր։