Өлгөлө уҡытыусы Нурзилә!

Хөрмәтле Нурзилә Дәүләтгәрәй ҡыҙы! Республика башҡорт теле уҡытыусыларының абруйлы конкурсында «Йыл уҡытыусыһы» исемен яулауығыҙға бик шатбыҙ һәм был ҙур еңеү менән Һеҙҙе ихлас ҡотлайбыҙ! Заманса фекерләүсе, үҙ һөнәрен яратҡан һәм хөрмәт иткән, туған теленә, халҡына тоғро алдынғы башҡорт теле уҡытыусыһы булыуығыҙ менән ғорурланабыҙ! Һеҙгә ныҡлы һаулыҡ, бәхет, оло ҡыуаныстар һәм яңы үрҙәр, ҡаҙаныштар теләйбеҙ! Киләсәктә лә балаларҙа туған теленә һәм иленә хөрмәт тәрбиләүсе илһөйәр шәхес булыуығыҙ менән беҙҙе ҡыуандырырһығыҙ тип ышанабыҙ! Башҡортостан Республикаһы «Мин Илһөйәр» гражданлыҡ-патриотик тәрбиә төбәк-ара йәмәғәт ойошмаһы