«Հայաստանի գուսանական և ժող. երգի անսամբլ» - Առավոտուն դեմին (Armenian folk)

Հայ ավանդական հարսանեկան «Առավոտուն դեմին» երգն է Ալաշկերտից: Գրառել է Արուսյակ Սահակյանը: Կատարում է «Հայաստանի գուսանական և ժողովրդական երգի պետական անսամբլը»: Մենակատարներ՝ Ագապի Ղազարյան և Անահիտ Ներսիսյան: Գեղարվեստական ղեկավար՝ Ռուբեն Ալթունյան, խմբավար՝ Գրիգոր Ալթունյան: Текст на русском языке: Երգի առաջին տողերը վերաբերում են հարսի մորը: Նա երգում է, որ առավոտ վեր կենալով՝ տեսել է, որ բաց են տան դռները: Ապա շարունակում է՝ «Բալես շատ էր լացել, աչքերը թաց էր»: Միտքը, կարծում եմ, այս է. երևի հարսանիքին նախորդող ամբողջ գիշերն աղջիկը աչք չի փակել մտատանջությունից, որ թողնելու է հայրական տունը, որտեղ մեծացել է մոր հոգատար սիրո ջերմությամբ շրջապատված: Եւ երկար տարիներ այսպես ապրելուց հետո այժմ դժվար է նրա համար դուրս գալ այդ տնից ու այսուհետ ապրել մի ուրիշ տանը, որտեղ դեռ չգիտե էլ, թե ինչպես են ընդունելու և վերաբերվելու իրեն: Իր կյանքը լրիվ փոխվելու է: Իսկ ինչո՞ւ են բաց եղել տան դռները, ինչպես հայտնում է աղջկա մայրը երգի առաջին տողում: Գուցե աղջիկը չկարողանալով քնել գիշերը, իսկ սա վերջին գիշերն էր հայրական տանը, դուրս է եկել, վերջին անգամ իր ազատ կյանքի ընթացքում շրջել է իրենց տան բոլորը, իրենց պարտեզում, գուցե վերջին անգամ նստել է բակի նստարանին ու շնչել հայրական պարտեզի ծաղիկների բույրը: Բացի դրանից՝ բաց դուռն ինչ-որ բան է խորհրդանշում՝ սպասում են մեկի գալուն կամ գնալուն: Եւ ահա, գալու են խնամիները և հարս են տանելու աղջկան: Երգի հաջորդ տողերում նոր վեր կացած մորը ձայնում է աղջիկը.«Մ&