Түбән Кама – күпмилләтле шәһәр

60 нчы еллар ахырында татарлар, руслар, керәшеннәр һәм башка милләт вәкилләре авыллардан эшкә Түбән Камага киләләр. Актүбә, Чәбия урамнары, мәсәлән, керәшен авыллары булган. Шәһәр төзелгәч, авылда яшәүче керәшеннәр Түбән Камада төпләнә. Бүген дә алар монда гомер итәләр. Түбән Камада 30дан артык милләт вәкиле тату гомер итә. Аларны нәрсә берләштерә? Түбән Кама бүләк иткән якты тормыш. Шәһәрдә рус, татар, чуваш, керәшен, башкорт, таҗик һәм башка милли оешмалар гореф-гадәтләрне саклап калуда эш алып бара.