Йоча книган тӱнямбал кече!

Чыла эллаште вӱдшор тылзын 3 кечыштыже Йоча книган тӱнямбал кече пайремлалтеш. Тиде кече изи лудшо-влаклан пӧлеклалтше кече, да тыгак серызе-влаклан, кудо шке произведенийыштым уло тӱнясе йоча-шамычлан возат. У тукымын шӱлышыжым да йоча-влакын уш сыным погымашыште книга кугу рольым модын шога. Мемнан элыште тиде пайрем йоча садыште, шуко школлаште, ешартыш образований учрежденийлаште да йоча книгагудышто палемдалтеш. Тиде пайрем Тӱнямбал йоча да самырык литератур ушемын пунчалже почеш 1967 ийыште шочын. Кечым таклан огыл ойырымо – чылалан палыме йочалан возышо кугу серызе – датчан Ганс Христиан Андерсен тиде кечын шочын. Шуко эллаште Йоча книга кече гыч тӱҥалын эн изи зритель-шамычлан театр представлений-влак, конференций, фестиваль да шуко палыме серызе-влак дене вашлиймаш почылтыт. Монтаж: Служба видеомаркетинга #марийэл #йочакнига #муро #народыРоссии #йылме #мариййылме #марийскийязык #пайрем #марийцымосквы #деньдетскойкниги