Православный календарь, Среда 5 июня 2024. Прп. Евфросинии, княжны и игумении Полоцкой (1173)

Отдание Преполовения. Глас четвертый. Пост. Разрешается рыба Прп. Михаила исп., еп. Синадского (821). Обретение мощей свт. Леонтия, еп. Ростовского (1164). Собор Ростово-Ярославских святых: святителей и чудотворцев Ростовских - Леонтия, Исаии, Игнатия, Иакова, Феодора, Димитрия; Авраамия архим., Петра, царевича Ордынского, блж. Иоанна Власатого, Милостивого, Иринарха затворника, блж. Исидора, кн. Василька; Ярославских чудотворцев - блгвв. князей Василия и Константина, Феодора и чад его Давида и Константина; Переславльских чудотворцев - прп. Никиты столпника, прп. Даниила, блгв. кн. Андрея, блгв. вел. кн. Александра Невского; Угличских чудотворцев - страстотерпца блгв. кн. царевича Димитрия, прпп. Игнатия, Кассиана, Паисия, блгв. кн. Романа; Пошехонских чудотворцев - прпп. Адриана и Севастиана, Сильвестра Обнорского, Геннадия Любимоградского и Костромкого. Прп. Евфросинии, княжны и игумении Полоцкой (1173). Прп. Паисия Галичского (1460). Прмч. Михаила черноризца (IX). Обретение мощей мцц. Евдокии, Дарии, Дарии и Марии (2001). Св. жены-мироносицы Марии Клеоповой. Мч. Салона Римлянина (Греч.). Мч. Селевка (Греч.). Преп. Дамиана (в миру - царя Димитрия I) (1157) (Груз.). Св. Иоанникия, архиеп. Сербского (1270). Чтения дня Деяния 13:13-24 Иоанна 6:5-14 Тропари Обретение мощей свт. Леонтия, еп. Ростовского. Тропарь, глас 4. Апо́столом соприча́стник/ и к Бо́гу моле́бник ве́рен,/ доброде́тельми возше́д на Небе́сная,/ и любо́вь возложи́л еси́ к Лю́бящему тя,/ и неве́рныя лю́ди обрати́л еси́ в ве́ру./ Тем ны́не, со Áнгелы лику́я,/ предстои́ши престо́лу сла́вы всех, Царя́ Христа́ Бо́га:/ моли́ся, святи́телю Лео́нтие,/ да спасе́т ду́ши на́ша. Кондак, глас 4. Жития́ ра́ди чистоты́,/ Всеви́дец Госпо́дь свет Свой насади́ в души́ твое́й,/ вразуми́ти лю́ди мно́гия/ твои́ми уче́нии,/ Лео́нтие преподо́бне. Собор Ростово-Ярославских святых. Тропарь, глас 4. Облагоче́стный собо́ре,/ о лю́дие избра́ннии,/ святи́телие преподо́бнии и пра́веднии,/ и благове́рнии гра́ждане росси́йстии,/ я́ко зве́зды, на тве́рди церко́вней/ страны́ Росто́вския и Яросла́вския к Бо́гу предста́телие,/ велича́ем с любо́вию вас, по пло́ти на́ших сро́дников./ Вы же моли́теся дарова́ти мир стране́ и Це́ркви на́шей,/ благослове́ние и ми́лость Бо́жию всем лю́дем,/ всепроще́ние и спа́сение,/ хода́таи бо есте́ при́снии о нас ко Святе́й Тро́ице. Тропарь святителем Ростовским, глас тойже. Святи́телие прему́дрии,/ па́ствы ва́шея учи́телие богопросвеще́ннии,/ ве́ру ева́нгельскую в лю́дех преумно́жившии,/ любве́ Небе́сныя на земли́ достоподража́тельнии о́брази,/ лю́ди страны́ Росто́вския и Яросла́вския приобща́вшии спасе́нию,/ служи́телие вои́стинну Бо́жии/ и соприча́стницы апо́столов досто́йнии яви́лися есте́,/ Лео́нтие священному́чениче, Иса́ие, Игна́тие, Иа́кове, Фео́доре/ и златослове́сниче Росси́йский Дими́трие,/ Христа́ Бо́га моли́те/ о архиере́ех, на престо́ле ва́шем прее́мницех,/ о лю́дех, благоче́стно вас почита́ющих,/ о стране́ на́шей правосла́вней/ и о всей Христо́вей Це́ркви. Кондак, глас 4. Но́ваго Заве́та Бо́га с челове́ки храни́телие,/ ева́нгельских за́поведей исполни́телие,/ в до́брых де́лех соверше́ннии,/ святи́телие му́дрии, преподо́бнии и пра́веднии Богоно́снии,/ зе́млю Росто́вскую и Яросла́вскую/ облагоуха́вшии моли́твами,/ имену́емии вси и неимену́емии,/ явле́ннии и сокрове́ннии,/ предстоя́ще Живонача́льней Тро́ице,/ не отступа́йте от нас ду́хом/ и Боже́ственное милосе́рдие преклони́те к нам,/ да с дерзнове́нием сла́ву в Вы́шних Бо́гу вси прино́сим,/ да пребу́дет на земли́ мир неруши́мый,/ любо́вь же и благоволе́ние/ посреде́ всех челове́к. Свт. Ростовских - Леонтия, Исаии, Игнатия. Тропарь, глас 4. Апо́стольским преда́нием, и́стинней ве́ре пропове́дницы,/ и от тьмы к све́ту Богоразу́мия челове́ком наста́вницы,/ и за ны к Бо́гу моле́бницы,/ на Небе́сная любо́вь возложи́сте к Лю́бящему вы./ И ны́не на Небеси́ со Áнгелы и со все́ми святы́ми ликовству́юще/ у Престо́ла сла́вы всех Царя́, Христа́ Бо́га на́шего,/ святи́и чудотво́рцы Лео́нтие, и Иса́ие, и Игна́тие,/ моли́те дарова́ти стране́ на́шей мир,/ на враги́ одоле́ние,/ Це́ркви единомы́слие/ и душа́м на́шим ве́лию ми́лость. Кондак, глас 8. Я́ко во вселе́нней трие́ вели́цыи святи́телие,/ бы́сте вы благоче́стием и доброде́телию наста́вницы Росто́ву/ и, благове́рием прии́мше па́ству, ста́до Христо́во упасо́сте/ и ве́чный поко́й насле́довасте./ Мо́лим вас, святи́и чудотво́рцы,/ пода́ти доброде́телем исправле́ние,/ и боле́знем на́шим исцеле́ние, и собла́зном избавле́ние,/ и душа́м спасе́ние, да зове́м вам:/ ра́дуйтеся, гра́ду на́шему Росто́ву похвала́ и утвержде́ние.