Олег Николаев ятарлӑ ҫар операцийӗнче пуҫ хунӑ салтаксен амӑшӗсемпе тӗл пулчӗ

Ывӑл-хӗрӗ амӑшӗшӗн пӗчӗк чухне те, ӳссе ҫитӗнсен те яланах ача вырӑнӗнче. Хӑй кун ҫути пилленӗ тӗпренчӗкӗшӗн чунӗ хумханать, ҫитӗнӗвӗсемшӗн савӑнать, йывӑрлӑха лексен ҫӗр ҫывӑрми шутласа пӑшӑрханать. Республикӑри мӗн-пур аннене уявпа саламланӑ май регион ертӳҫи Олег Николаев ятарлӑ ҫар операцийӗнче пуҫ хунӑ салтаксен амӑшӗсене уйрӑм тимлӗх уйӑрчӗ.