Тыва дылым

Даржай Александрның шүлүү “Тыва дылым“. Хомушку Мергенниң күүселдези. Тываның өөредилге болгаш эртем яамызы. @kuzhuget?z=video-38636573_170595266/pl_1897455_-2 Тыва дылым Сүзүүм болган авайымның сүдү ышкаш, Сүүзүннүг, мага - боттан адырылбас, Тынар агаар, сеткилимниң хөрзүнү бооп, Тыва дылым, дамыр - ханда тудуш - тур сен Кырган - ачам уран - мерген тоолундан Кыштың узун кежээзинде сени танааш, Маадырлыг өлбес чоннуң дылы - дыр деп, Магадааштың, кезээ шагда ынакшаан мен. Кашпал хемче шурай берген дидим кыстың Өжээн - килең доюлдурар түрлүг ырын Өшкүлерин дозуп чорааш, угбам уруг Хаяларга чаңгыландыр ырлавыткан. Ынай бодум ону дыңнааш, төрээн дылым, Ыым келип, баарым адаа ажыш диген -