“Ахмат“ у Мінску. Жывы эфір з арганізатарамі турніру ў 15:05

2 снежня ў “Мінск-Арэне“ пройдзе міжнародны байцоўскі турнір “Ахмат“. Гледачоў чакаюць 10 баёў, у якіх беларускія спартоўцы сыйдуцца з кікбаксёрамі з усёй Еўропы. Па адным баі супраць сапернікаў з Расіі і Украіны правядуць Забіт Самедаў і Дзмітрый Валент. Турнір “Ахмат“ — гэта прафесійныя спаборніцтвы па версіі К-1. Аднайменны клуб заснаваны ў сярэдзіне 2014 года Рамзанам Кадыравым. Зацікаўленасць байцоў і ўладаў у развіцці спартовых баёў спрыяла росту “Ахмата“ — за некалькі гадоў ён ператварыўся ў адзін з самых папулярных праектаў Еўропы. Якое месца “Ахмат“ займае сярод іншых клубаў Беларусі, што важнага будзе на турніры і наогул — навошта гэта ўсё? На пытанні Еўрарадыё ў жывым эфіры адкажуць кікбаксёр Дзмітрый Валент і дырэктар клуба “Чынук“ Сяргей Івановіч.