Ал тупан инче хвел

Чăваш Енре 110 ача Даун чирĕпе нушаланать. Вĕсем валли кăçал нарăс уйăхĕнче «Ал тупанĕ çинче хĕвел» çĕнĕ проект хута кайнă. Сывлăх енчен хавшанă пепкесене шывра ишме вĕренме пулăшаççĕ. Ку пуçарăва Чăваш Республикин экономика министерствин гранчĕпе пурнăçлаççĕ. Ăсчахсем палăртнă тăрăх Даун чирĕпе çуралнă ачасем шывра тĕрлĕ хускану тума пуçлани вĕсен ăс-тăн шайне лайăхлатма, сывлăхне çирĕплетме пулăшать. Наталья Егорова çакна кĕнекере вуласа пĕлнисĕр пуçне ачин тĕслĕхĕпе çирĕплетме те пултарать. Шăпăрлансем ăшă шывра чăмпăлтатнă май юнашар ашшĕ-амăшĕ пулни çунать хушать мĕн. Вĕсен сăнĕ йăл кулăпа çиçет. Наталья кунта 6 çулхи Ваньăна илсе килнĕ. Нарăс уйăхĕнче пурнăçланма пуçланă проект çинчен вĕсем ача садĕнче пĕлнĕ. Икĕ ушкăнра 15-шер ача. НАТАЛЬЯ ЕГОРОВА: “Усси, паллах, пур ĕнтĕ. Шывран хăрама пăрахрĕ. Вĕренет-и, вĕренмест-и сывлăхшăн питĕ усăллă. Кашни кун килме хатĕр вăл». Сусăр ачасен ашшĕ-амăшĕн пĕрлĕхĕн Чăваш Енри уйрăмне ертсе пыракан Анастасия Науменко малашне кунта ишекен яш-хĕре Раççей шайĕнчи ăмăртусене те хутшăнтарасшăн. Унсăр пуçне сывлăх енчен хавшанă ачасене шывра ишме пулăшас тĕллевпе Чăваш Енри спорт министерствине те явăçтарасшăн. Физкультурăпа спорт керменĕсенче Даун чирĕпе асапланакансене йышăнакан секцисем уçтарасшăн. Телейлĕ ачалăх çулталăкĕнче çавнашкал проектсене уйрăмах пулăшасса шанаççĕ вĕсем.