Православный календарь, Суббота 18 мая 2024 / 5 мая 2024

Седмица 2-я по Пасхе. Глас первый. Вмц. Ирины (I-II). Сщмч. Николая пресвитера (1919). Обретение мощей прп. Иакова Железноборовского (1442). Иконы Божией Матери “Неупиваемая чаша“ (1878). Прп. Варлаама Серпуховского (1377). Прмч. Ефрема Нового (1426) (Греч.). Мчч. Неофита, Гаия и Гаиании. Прп. Адриана Монзенского. Прпп. Мартина и Ираклия, Иллирийских. Прп. Евфимия, еп. Мадитосского, Фракийского (Греч.). Св. исп. Евлогия, еп. Едесского (386). Св. Илария Арлейского (449). Св. Хидрока Корневильского. Перенесение мощей св. Альдхельма еп. Шерборнского. Чтения дня Деяния 5:21-33 Иоанна 6:14-27 Тропари Вмц. Ирины. Тропарь, глас 4. Áгница Твоя́, Иису́се, Ири́на,/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́, и умира́ю за Тя,/ да и живу́ с Тобо́ю,/ но я́ко же́ртву непоро́чную приими́ мя, с любо́вию поже́ршуюся Тебе́./ Тоя́ моли́твами,/ я́ко Ми́лостив, спаси́ ду́ши на́ша. Кондак, глас 4. Де́вства добро́тами преиспещре́нна, де́во,/ страда́льчеством была́ еси́ красне́йшая, Ири́но,/ кровьми́ твои́ми исте́кшими обагре́на,/ пре́лесть же низложи́вшая безбо́жия./ Сего́ ра́ди и прия́ла еси́ по́чести побе́ды руко́ю Созда́теля твоего́. Прп. Иакова Железноборовского. Тропарь, глас 4. Небе́снаго жела́я,/ земна́я возненави́дел еси́/ и, взем крест свой, после́довал еси́ Христу́/ и от Него́ прие́м дарова́ния чуде́с,/ исцеля́ти неду́жныя;/ но я́ко име́я дерзнове́ние ко Святе́й Тро́ице,/ испроси́ правосла́вным христиа́ном здра́вие и спасе́ние,/ на враги́ же побе́ду/ и не забу́ди, посеща́я чад свои́х,/ припа́дающих к цельбоно́сному гро́бу твоему́,/ Иа́кове, преподо́бне о́тче наш. Кондак, глас 8. Серде́чная о́чи, досточу́дне, ко Го́споду впери́в/ и теле́сныя стра́сти из ко́рене исторга́я,/ неболе́зненную жизнь в боле́знех восприя́л еси́, преподо́бне,/ боле́знем же лю́тым дае́ши исцеле́ние прося́щим с ве́рою у тебе́,/ те́мже мо́лим тя, досточу́дне,/ исцели́ на́ша боле́зни душе́вныя и теле́сныя, да зове́м ти:/ ра́дуйся, Иа́кове Богому́дре, о́тче наш. Иконы Богородицы “Неупиваемая чаша“. Тропарь, глас 4. Днесь притеце́м ве́рнии/ к Боже́ственному и пречу́дному о́бразу Пресвяты́я Богома́тери,/ напоя́ющей ве́рных сердца́/ небе́сною Неупива́емою Ча́шею Своего́ милосе́рдия/ и лю́дем ве́рным чудеса́ показу́ющей./ Я́же мы ви́дяще и слы́шаще/ духо́вно пра́зднуем и те́пле вопие́м:/ Влады́чице преми́лостивая,/ исцели́ на́ша неду́ги и стра́сти/ моля́щи Сы́на Твоего́ Христа́ Бо́га на́шего/ спасти́ ду́ши на́ша.