Оқушылар мен ұстаздарға 990 теңгелік тариф ұсынылды

Онлайн оқытуға дайындық қалай? Енді оншақты күнде оқу жылы да басталады. Әлбетте қалыптасқан ахуалға байланысты баяғыдай салтанатты жиындар, алғашқы қоңырау соғылып, жамырай шулаған оқушалар, мектептегі білім базарының жарқын сәттерін бұл жолы да көрмейміз. Пандемияның пәрмені әрнені жаңа ахуалға қарай бейімделуге мәжбүрлеп отыр. Сонымен жаңа оқу жылы қарсаңындағы басты жаңалық оқушылар мен ұстаздарға арналған арнайы тарифтік жоспар. Енді, ай сайын 990 тг абоненттік төлем төлеген соң, оқушы мен оқытушы шексіз байланысқа қол жеткізеді. Оның сыртында байланыс операторлары 1 гб тегін интернет трафигін де бермек. Сондай-ақ мектептердегі интернет жиілігін секундына 8 мегабитке дейін арттыру мәселесі де әне-міне шешілуі тиіс. Бірақ бұнда біраз сұрақтар туындауы мүмкін. #1tvkz #смотримвместе #бастыбағдарлама #Қазақстан