Выставачны праект “Чаму Ты Мяне пакінуў?”

Новы выставачны праект “Чаму Ты Мяне пакінуў?” рэпрэзентуе самую трагічную і таямнічую падчас усяго евангельскага апавядання падзею – распяцце Ісуса Хрыста. Стан пакінутасці і адзіноты Збавіцеля раскрыюць творы сакральнага мастацтва з калекцыі мастацкага музея: драўляныя разьбяныя скульптуры XVII–XX стагоддзяў, напрастольныя крыжы і абразы. Большасць прадметаў на выставе экспануецца ўпершыню. Куратар і дызайнер праекта – Дзмітрый Салодкі, старшы навуковы супрацоўнік аддзела беларускага мастацтва ХХ–ХХI стст.