Եթե չունես ազգային երազանք, դառնում ես սպառող ցեղախումբ. Թադևոսյան եղբայրներ

2020-ից հետո բանակի օրն ավելի է կարևորվել, քանի որ ստեղծված պայմաններում բանակը մեր անվտանգության միակ երաշխավորն է։ Sputnik Արմենիայի հետ զրույցում նման կարծիք հայտնեցին հայկական ռոք-դուետ «Հայ Լաո»-ի տղաները։ 44-օրյա պատերազմի մասնակիցներ, երգահաններ Տիգրան և Վարդան Թադևոսյանները, թեև ռազմի դաշտ էին մեկնել առանց կիթառների, երբեմն իրենց ռազմահայրենասիրական երգերով առաջնագծում ավելի էին բարձրացնում զինվորի մարտական ոգին, բարոյահոգեբանական վիճակը, քան զենքը։ Եղբայրները պատմեցին նաև, թե ինչպես են բանակում, օգտվելով նմանությունից, կիսել հերթափոխը, կատարել «Զարթիր, որդյակ», «Պատերազմ, թե խաղաղություն» և «Առաքել, Մուշեղ» երգերը։