ТЫНЫС ЙӘШӘҮ БӘХЕТ, БАЛАМ. Нәсимә Ғайсина

ЫНЫС ЙӘШӘҮ БӘХЕТ, БАЛАМ. Нәсимә Ғайсина – Әсәй, ниңә тетрәнәһең «Һуғыш» тигән хәбәрҙән, Ул насармы, – тине улы, – Бер кәрәкһеҙ әйберҙәй? – Эйе, балам, һуғыш насар, Бары тик яуыз уйы. Унан ҡалған яра эҙе Һыҙлата ғүмер буйы. Һуғыш уҙған урындарҙың Аҫтын - өҫкә килтерә. Көмөш һыулы шишмәкәйҙең Юлын быуып киптерә. Һуғыш – ул ут, көл итеүсе Үлән, япраҡ, сәскәне, Ил - йортоңа ҡайғы һалып, Йәшен түгә әсәнең. Ҡотто алған ҡан - ҡойошто Улым - ҡыҙым белмәһен. Тыныс тормош – бәхет, балам, Һуғыш йәнде телмәһен. Доньялағы һәр баланың Нурланып атһын таңы, Иртән-кисен ҡошсоҡтарҙың, Яңғырап торһон моңо. Күктән яуһын ҡар-ямғырҙар, Һулар һауаң таҙартһын, Туғай - болондарҙы йәмләп Гөл-сәскәләр яҙ атһын!