Святые мученики 14 000 младенцев,за Христа убиенные от Ирода в Вифлееме

Канон святым мученикам 14000 младенцам, от Ирода во Вифлееме избиенным Припев: Святи́и му́ченицы, моли́те Бо́га о на́с. Память: 11 января (29 декабря ст. ст.) Глас 4. __ Тропарь 14000-м мученикам младенцам, от Ирода в Вифлиеме избиенным, глас 1. Боле́зньми святы́х, и́миже о Тебе́ пострада́ша,/ умоле́н бу́ди, Го́споди,/ и вся на́ша боле́зни исцели́,// Человеколю́бче, мо́лимся. __ Кондак 14000-м мученикам младенцам, от Ирода в Вифлиеме избиенным, глас 6. В Вифлее́ме ро́ждшуся Царю́, волсви́ от Перси́ды с да́ры прихо́дят,/ звездо́ю свы́ше наставля́еми,/ но И́род смуща́ется и пожина́ет младе́нцы, я́ко пшени́цу,/ и рыда́ет себе́,// я́ко держа́ва его́ вско́ре разори́тся. __ Величание Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́. __ Тропарь Рождества Христова, глас 4. Рождество́ Твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии,/ звездо́ю уча́хуся,/ Тебе кла́нятися Со́лнцу Пра́вды,/ и Теб