Баласын мектепке бере албай убара болгон ата-энелер көйгөйүн кантип чечет?

Sputnik Кыргызстан агенттиги баласын мектепке каттай албай убара болуп, калкты тейлөө борборлорунда кезекте турган ата-энелер менен сүйлөштү. Ошондой эле системаны иштеп чыккан “Инфоком“ ишканасынын адистерин кепке тарткан. Бүгүн, 11-апрелде, Кыргызстанда баланы 1-класска электрондук каттоо башталды. Бирок система ишке кирери менен толгон-токой көйгөй, чектөөлөр ата-энелерди убарага салып, нааразычылыгын жаратты.