✟Житие Преподобного Никона, игумена Радонежского, ученика прп.Сергия Радонежского (1426)✟

✟Житие Преподобного Никона, игумена Радонежского, ученика прп.Сергия Радонежского (1426)✟ Тропарь преподобного Никона глас 1 Послушания добрый рачитель быв,/ преподобне Никоне приснопамятне,/ Церковь бо прекрасну Святыя Троицы в похвалу отцу твоему воздвигл еси./ Темже и мы, чада твоя, любовию вопием ти:/ слава Давшему ти крепость,/ слава Венчавшему тя,// слава Действующему тобою всем исцеления. Тропарь общий преподобным Сергию и Никону Радонежским глас 8 Яко трисветлаго солнца светозарный звезды,/ Троическим светом озаряете сердца верных,/ сосуда Света Пресвятыя Троицы явльшеся,/ и предивным вашим житием иноком бысте твердии законоположителие/ и церквам благолепие, и благоверным, и святителем, и всем людем,/ вся бо демонския скверны отгнавше отсюду/ вашими чистыми учении и делы,/ добре упасосте стадо, собранное вами,/ но и ныне молим вас:/ посещайте чад своих, яко имущие дерзновение ко Святей Троице,/ Богомудре Сергие с чудным учеником своим Никоном,/ и молите Христа Бога, да спасет души наша. Кондак преподобного Никона глас 4 Духовному твоему настоятелю, отче Никоне, всячески прилепився/ и от него наставляем,/ во всем Христови поработився,/ монахов был еси чиноначальник и преподобных сожитель,// с нимиже Христа Бога моли непрестанно о всех нас. Кондак преподобнаго Никона глас 8 В постницех приобщившеся Великому Антонию/ и Евфимию Иерусалимскому поревновавше в подвизех,/ яко ангели, на земли явистеся,/ просвещающе, преподобнии, верных сердца/ Божественными знамении и чудесы повсегда,/ сего ради радостно вас почитаем и любовию вопием вам:/ радуйтеся, преподобнии отцы Сергие и Никоне,/ постником удобрение и всея Российския земли великое утверждение.