Бөйөк Еңеүҙең 74 йыллығына арналған тантаналар республиканың барлыҡ район-ҡалаларында ла үтте

Халыҡ еңеү парадында ҡатнашты, яҡындарының фотоһүрәттәрен тотоп “Үлемһеҙ полк“ акцияһына ҡушылды, яу яландарында һәләк булғандарҙы иҫкә алды. Еңеү парадына сығыусылар, “Үлемһеҙ полк“ акцияһына ҡушылыусылар йылдан-йыл арта бара. Айырыуса, йәштәрҙең күп булыуы һөйөнөслө. Саҡмағош районы фронт һыҙығына ун меңдән ашыу ул һәм ҡыҙы оҙата. Ҡыҙғанысҡа күрә, уларҙың күбеһе сит тупраҡта, яу яландарында ятып ҡала. Өс саҡмағош яугиры Советтар Союзы Геройы исеменә лайыҡ була. Әммә бөгөн улар бөтәһе бер майҙанда. Яҡындары ҡулдарындағы фотоһүрәттәрҙә, хәтирәләрҙә. Саҡмағоштар тыныслыҡ һалдаттарын ҙурлап иҫкә алды. Бер кемдә, бер нәмәлә онтолорға тейеш түгел, ти район халҡы.