Православный календарь 18 февраля 2024. Феодосия, архиеп. Черниговского (1696)

Неделя 37-я по Пятидесятнице. Глас четвертый. Мц. Агафии (251). Свт. Феодосия, архиеп. Черниговского (1696). Новомчч. Агафии Белорусской (1938), схимон. Евгения (1939) и прав. Парамона (1941). Прмц. Александры, мч. Михаила (1942). Мч. Феодулии и мчч. Елладия, Макария и Евагрия (ок. 304). Елецкой-Черниговской (1060), Сицилийской, или Дивногорской (1092), и именуемой “Взыскание погибших“ (XVII) икон Божией Матери. Свт. Полиевкта, патр. Константинопольского (Греч.). Новомч. Антония Афинского (Греч.). Св. Феодосия Скопельского в Сицилии (421). Св. Авитуса, еп. Венского (525). Чтения дня Луки 24:1-12 (на утрене. Евангелие 4-e) Тимофею 4:9-15 Луки 19:1-10 Тропари Тропарь воскресный, глас 4. Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся сме́рть,/ воскре́се Христо́с Бог,/ да́руяй ми́рови ве́лию ми́лость. Богородичен, глас тойже. Éже от ве́ка утае́нное,/ и Áнгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Кре́ст во́лею нас ра́ди восприи́м,/ И́мже воскреси́в первозда́ннаго,/ спасе́ от сме́рти ду́ши на́ша. Кондак, глас тойже. Спас и Изба́витель мой/ из гро́ба, яко Бог,/ воскреси́ от уз земноро́дныя,/ и вра́та а́дова сокруши́,/ и я́ко Влады́ка воскре́се тридне́вен. Иконы Богородицы “Взыскание погибших“. Тропарь, глас 7. Ра́дуйся, Благода́тная Богоро́дице Де́во,/ во объя́тиях Свои́х Предве́чнаго Младе́нца и Бо́га носи́вшая,/ проси́ Его́ да́ти ми́ру умире́ние/ и душа́м на́шим спасе́ние./ Сын бо Тебе́, Богома́ти, веща́ет,/ я́ко вся проше́ния Твоя́ во благо́е испо́лнит./ Сего́ ра́ди и мы припа́дающе, мо́лим Тя/ и наде́ющийся на Тя, да не поги́бнем,/ и́мя Твое́ имену́ем:/ Ты бо еси́, Влады́чице,/ Взыска́ние поги́бших. Ин тропарь, глас 4. Взыщи́ нас, погиба́ющих, Пресвята́я Де́во,/ не по грехо́м бо на́шим наказу́еши нас,/ но по человеколю́бию ми́луеши,/ изба́ви нас от а́да, боле́зни и ну́жды/ и спаси́ нас. Кондак, глас 6. Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,/ предстате́льствующи при́сно, Богоро́дице, чту́щих Тя. Другий кондак, глас тойже. Не и́мамы ины́я по́мощи,/ не и́мамы ины́я наде́жды,/ ра́зве Тебе́, Пречи́стая Де́во,/ Ты нам помози́,/ на Тебе́ наде́емся/ и Тобо́ю хва́лимся:/ Твои́ бо есмы́ раби́,/ да не постыди́мся. Святителя Феодосия, архиеп. Черниговского. Тропарь, глас 4. Преудобре́н во архиере́ех, святи́телю Феодо́сие,/ был еси́ свети́ло своему́ ста́ду,/ та́же преста́вился еси́ в ве́чныя оби́тели./ Умоли́ у Престо́ла Царя́ Сла́вы изба́витися нам от находя́щих на ны зол/ и спасти́ся душа́м на́шим, свя́те, моли́твами твои́ми. я Кондак, глас 4: Па́стырей Нача́льнику Христу́ труди́лся еси́, святи́телю Феодо́сие,/ на па́жити духо́вней слове́сныя твоя́ о́вцы пита́я,/ и целе́бен дар от Христа́ Спа́са прия́л еси́,/ во е́же не́мощи душе́вныя и теле́сныя цели́ти всех с ве́рою к тебе́ приходя́щих./ Те́мже и ны́не, свя́те, моли́ся, всем, и́мя твое́ призыва́ющим,/ от наве́тов вра́жиих спасти́ся и поми́ловатися душа́м на́шим. Мц. Агафии. Тропарь святыя, глас 4. Áгница Твоя́, Иису́се, Ага́фия,/зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди, я́ко да ца́рствую в Тебе́,/ и умира́ю за Тя, да и живу́ с Тобо́ю,/ но, я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами, я́ко Ми́лостив, спаси́ ду́ши на́ша. Кондак святыя, глас 4. Да украси́тся днесь Це́рковь порфи́рою сла́вною, омоче́ною от чи́стых крове́й Ага́фии му́ченицы:/ ра́дуйся, вопию́щи, Ката́нская похвало́. Елецкой иконы Богородицы. Тропарь, глас 4. Днесь све́тло красу́ется дре́вний град Еле́ц,/ помина́юще сла́вное чу́до Пресвяты́я Богоро́дицы:/ егда́ бо на сто́гнах Первопресто́льныя Москвы́/ ико́ну Ея́ чу́дную лю́дие моско́встии срета́ху,/ тогда́ Сама́, Влады́чице, на горе́ Аргама́чстей во гра́де Ельце́,/ на сре́тение нечести́вому Тамерла́ну изше́дше,/ гро́зное его́ наше́ствие вспять обрати́./ Сего́ ди́внаго явле́ния изображе́ние на новопи́санней ико́не зря́ще/ и Засту́пницу на́шу за вся благодея́ния Ея́ благодаря́ще,/ уми́льно Ей взыва́ем:/ и в пре́дняя не оста́ви нас, о Ма́ти Милосе́рдая.